மறப்பதும் மன்னிப்பதும்
 அத்தனை எளிதாய் இருந்தால்...
 உன்னை மறந்து,
அதற்காய் எனை மன்னித்தும் விடலாம்...

இந்த நிமிடம் எனை
நினைத்திருப்பாயோ?
இந்த நிமிடம் எனை
அழைப்பாயோ?
இந்த நொடியிலாவது 

குறுஞ்செய்தி அனுப்புவாயோ  

என ஒவ்வொரு நிமிடமும்
உன்னை நினைத்தபடியே நான்..

புறக்கணிப்பை விட
வலி தரும் வன்முறை
வேறொன்று உண்டா?

மூளைக்கு தெரிவதெல்லாம் 

மனதுக்கு புரிவதில்லை..

சமயத்தில் புரிந்து கொண்டாலும்,

மனம் ஏற்பதில்லை..

ஏற்கும் வண்ணம் எல்லாம் நடந்தால்

இறைவன் இருப்பதை 

மறந்து போவோமோ?

யாசித்துப் பெறும் பொருள்

எத்தகு உயர்வானதாயினும்

யாசிப்பின் வலி

பெறுபவருக்குத்தான் தெரியும்..

அன்பு உட்பட..