உந்தியில் பிறந்தவராயினும்
முந்திப்பிறந்திருந்தாலும்
எந்தையாயினும்
எம் தாயேயாயினும்
கைப்பிடித்தவராயினும்
மெய்யறிந்தவராயினும்
பிறப்பறுக்கும் பெரியோராயினும்
நமைப்பிரித்தெடுக்க எவருமில்லை-
நம்மைத்தவிர..

உனக்கு நான்
Nice to have
ஆபரணம் போலும் ..
உறுத்தும் நேரம்
கழற்றி விடுகிறாய்,
எனக்கு நீ
Must to have
ஸ்வாசமென்றறியாமலே..

Let go

விலகிவிடுமென்ற அச்சத்தில்
இறுகப் பற்றிக்கொண்டு
எனை இழந்தபடியே இருந்தேன்...
நழுவிய பின் தான்
நிம்மதி வந்தது..
எனக்கானதென்றால்
எனைவிட்டுப் போகாதென்று..
விட்டு விலகினும்,
தள்ளி நின்று ரசிக்கும்
பேரன்பு உள்ளவரையில்,
தைரியமாகச் சொல்லலாம்
Let go..

எங்கோ ஓர் இடத்தில்
குளிர் தவிர்க்க
கையுறையும் கம்பளியுமாய் நீ..
இங்கு வெம்மை தாங்காது
மெல்லிய ஆடையில் நான்..
உன் இரவு துவங்கும் நேரம்
என் அதிகாலை..
ஆயினும் என்ன
நாமிருவரும் பார்த்தது
அதே நிலவைத்தான்..😍