தாய்மை

தாய்மை என்பது

தாய்க்கு மட்டுமே

சொந்தமல்ல..

எல்லா உயிரிடத்தும்

ஒளிந்துள்ள பொக்கிஷம்!

தவறு செய்யின், கண்டிப்பும்,

உணர்ந்த பின் மன்னிப்பும்..

இவற்றைப் புறந்தள்ளி

மழை போல் பொழியும் அன்பும்

தாய்மையன்றி வேறென்ன..?

ஒரு தாய் தன் சேயின்

நன்மைக்கென ,

விரும்பிச் செய்யும் செயலொத்ததே,

பிறர் துன்பம் தீர்க்கும்

எந்தச் செயலும்!

அடுத்தவர் கண்ணீர்

துடைக்க நீளும்

அத்தனை விரல்களிலும்

வழிகிறது தாய்மை!